Një "selfie" nga elefanti, trendi më i fundit

"Selfiet" janë padiskutim moda më e fundit. Mjafton të shohim rrjetet sociale, të cilat janë plot me foto të personave të famshëm dhe jo vetëm, të cilët ndodhen në situata të ndryshme. Ato më pas ndahen në kategori të ndryshme, duke nisur nga më qesharaket e deri te ato më seriozet. 

Tashme është duke bërë xhiron e botës “elfie-ja” e parë, e thënë ndryshe, "selfie elefanti". Kjo është një foto e shkrepur vetë nga një elefant. Mund të duket si e pabesueshme dhe si e pavërtetë, por ja që ekziston edhe një fakt i tillë.

Ngjarja ka ndodhur në Britaninë e Madhe, në West Mildlands Park Safari në Worcestershire. Një vizitor i parkut humbi aparatin e tij celular pranë kafshës dhe sapo e gjeti, vuri re se në galerinë e fotove, kishte disa vetshkrepje të elefantit.

Kjo gjë përbënte një surprizë të vërtetë, ndaj ai ka shpërndarë elfie-n në rrjete të shumta sociale si Facebook dhe Instagram.