Para gati një viti, HP prezantoi tabletin Slate 6 VoiceTab. Tani ajo ka realizuar pasardhësin e tij, Slate 6 VoiceTab II. Nëse prisni që Slate 6 VoiceTab II të ketë veçori shumë më të mira se paraardhësi i tij, do zhgënjeheni.
Ndryshimet e vetme mes tabletit të ri dhe modelit të vjetër lidhen me versionin e softuerit dhe kamerën e pasme. Tableti Slate 6 VoiceTab II operon me sistemin Android 4.4 KitKat, ndërsa origjinali operon me sistemin Android 4.2 Jelly Bean. Ai vjen gjithashtu me kamera të pasme 8 megapikselë, ndryshe nga tableti i parë i HP-ës që ka kamera 5 megapikselë.
Veçoritë e tjera janë të njëjta për të dy tabletët, si: lidhja 3G, ekrani 6 inç IPS me rezolucion 720 x 1280 pikselë, kamera ballore 2 megapikselë, procesorin Marvell PXA1088 me katër bërthama me shpejtësi 1.2 GHz, 1GB RAM, 16GB hapësirë të brendshme dhe bateri Li-Po me kapacitet 3000 mAh. Pajisja ka gjithashtu aftësitë për thirrjet zanore dhe ofron dy vende për karta SIM. Ky tablet kushton 259 dollarë.
No comments:
Post a Comment