Kompania Hewlett-Packard prezantoi orën e saj inteligjente MB Chronowing, e dizajnuar nga Michael Bastian. Mund të duket si një orë normale, por në fakt është një orë inteligjente që mund të lidhet me telefonin inteligjent për të sjellë njoftime për mesazhet tekst, mesazhet elektronike, për të kontrolluar muzikën në telefon etj.
Ajo nuk është një pajisje që mund të monitorojë aktivitetin e përdoruesit në palestër apo të masë rrahjet e zemrës. Ka një ekran LCD dhe premton shtatë orë bateri. Kjo orë inteligjente mund të lidhet me iPhone 4S ose versionet më të reja, si dhe me telefonat inteligjentë Android që operojnë me sistemin Android 4.3 ose një version më të ri.
Modeli bazë përmban këllëf prej çeliku të pandryshkshëm 44 mm, tre rripa të shkëmbyeshëm si dhe është rezistente ndaj ujit. Kjo orë do të dalë në treg më 7 nëntor për 350 dollarë.
No comments:
Post a Comment