Micromax prezantoi të premten një telefon të ri inteligjent, i quajtur Canvas Express A99. Ky telefon inteligjent kushton 113 dollarë dhe do të shitet nëpërmjet Flipkart duke filluar nga data 8 dhjetor.
Canvas Express, ashtu si shumë telefona inteligjentë Android të prezantuar së fundmi, do të operojë me sistemin operativ Android KitKat 4.4 dhe do të ofrojë dy vende për karta SIM.
Telefoni inteligjent ka ekran me prekje 4.5 inç me rezolucion 480×854 pikselë, dhe fuqizohet nga një procesor me katër bërthama me shpejtësi 1.3 GHz, së bashku me 1GB RAM. Micromax Canvas Express A99 ka edhe 8GB hapësirë të brendshme, që mund të zgjerohet nëpërmjet kartës microSD deri në 32GB.
Micromax ka përdorur një kamera 5 megapikselë me vetë-fokusim dhe kamera ballore 0.3 megapikselë VGA. Sa i përket lidhjes, ky telefon ofron Bluetooth, WiFi dhe 3G. Telefoni fuqizohet nga një bateri me kapacitet 1950 mAH që do të zgjasë përgjatë gjithë ditës.
No comments:
Post a Comment