Duket se familjet italiane janë më të dhëna dhe i ofrojnë kushtet e duhura kafshëve shtëpiake. Këtë nuk e themi ne, por një studim i kryer së fundmi. Është arritur në përfundimin se në çdo familjeitaliane, ka të paktën një kafshë shtëpiake dhe në total llogariten rreth 60.5 milionë të tilla. Kush jeton vetëm, preferon macet dhe kush ka fëmijë, preferon më shumë qentë. Prezentë në familjet italiane janë në numër të madh edhe peshqit, zogjtë dhe zvarranikët. Sakaq, sondazhi i “Information Resources” ka marrë në konsideratë një kampion të 500 pronarëve të kafshëve shtëpiake. Në 60.5 milionë kafshë shtëpiake, 55.6 % kanë qen dhe 49.7% kanëmace.
Diferenca është për ata të cilët janë “single”, ku 65% e tyre kanë mace dhe 22% kanë qen. Në 94% të rasteve, pronarët i atribuojnë kafshëve shtëpiake cilësi të tilla si mbajtjen e një familjeje të bashkuar, i bëjnë mirë të moshuarve dhe stimulojnë aftësinë për socializim të fëmijëve.
Vitet e fundit, dëshira për mbajtjen e kafshëve është shtuar shumë. Në këtë rast bëhet fjalë për mbajtjen e kafshëve për të gjetur një mik më të mirë në shtëpi, për të zbukuruar ambientin, apo për t’u ndjerë sa më afër natyrës. Specialistët thonë se preferencat për kafshët janë nga më të ndryshmet.
No comments:
Post a Comment